CERTIFICACIÓN EN GRUPO FSC

Transcripción

1 GUÍA BÁSICA CERTIFICACIÓN EN GRUPO FSC

2 CONTIDOS DA GUÍA 1. A CERTIFICACIÓN FORESTAL FSC O GRUPO PROMACER DE CERTIFICACIÓN FORESTAL PARA UXF MELLORAS NA XESTIÓN FORESTAL QUE PROPORCIONA O GRUPO PROMACER REQUISITOS PARA PERTENCER AO GRUPO PASOS PARA ADHERIRSE AO GRUPO PROMACER... 4

3 1. A CERTIFICACIÓN FORESTAL FSC A certificación forestal FSC é un proceso de avaliación voluntario que permite a propietarios forestais demostrar que a súa madeira, ou calquera outro produto forestal que leve o selo FSC, procede dunha xestión racional e responsable da masa forestal, garantindo o mantemento dos recursos naturais a longo prazo. Certificación forestal: "Procedemento voluntario polo que unha terceira parte independente proporciona unha garantía escrita tanto de que a xestión forestal é conforme con criterios de sostibilidade como de que se realiza un seguimento fiable dende a orixe dos produtos forestais. (Lei de Montes 43/ Art. 6.p) O FSC (en inglés Forest Stewardship Council ) promove a mellora na xestión forestal dos bosques de todo o mundo, garantindo que sexa: - Ambientalmente responsable: asegurando que o aproveitamento dos produtos forestais madeirables e non madeirables contribúe a manter a biodiversidade, a produtividade e os procesos ecolóxicos do monte. - Socialmente beneficiosa: contribuíndo a que as poboacións locais, así como a sociedade no seu conxunto, gocen dos beneficios a longo prazo do monte, e proporcionando incentivos para que cada comarca conserve os seus recursos forestais e se involucren nos plans de xestión. - E economicamente viable: a certificación tamén implica que as operacións forestais deben ser rendibles, logrando a integración co mantemento do recurso forestal, co ecosistema e coas poboacións afectadas. O certificado FSC é un eco-selo que conta cun amplo recoñecemento internacional. O FSC é a única organización recoñecida internacionalmente dedicada a desenvolver estándares para a xestión forestal responsable, que conta co apoio tanto do sector empresarial coma de organizacións ambientais e grupos sociais. Na actualidade existen máis de 140 millóns de hectáreas certificadas conforme aos requisitos de FSC e distribuídas en máis de 80 países. 2. O GRUPO DE CERTIFICACIÓN FORESTAL PROMACER PARA PEQUENOS PROPIETARIOS O Grupo de Certificación Forestal PROMACER para Pequenos propietarios (Grupo PROMACER) ten por obxectivos achegar, simplificar e reducirlles custos a este tipo de propietarios que queiran obter a certificación FSC para as súas parcelas. O Grupo PROMACER está formado polo chamado Xestor de Grupo PROMACER e os distintos Membros adheridos: 1 páxina

4 O Xestor de Grupo PROMACER é responsable do certificado e do seu mantemento Os Membros quedan baixo o paraugas da certificación en grupo podendo vender a súa produción como certificada certificación FSC. O Xestor de Grupo PROMACER: Entidade legalmente rexistrada en Galicia, é o responsable da certificación para todo o Grupo, e o encargado de garantir que todos os Membros cumpran cos requirimentos esixidos por FSC. Ademais, PROMACER traballa como representante do Grupo en todo o relacionado coa certificación, firma os acordos e mantén a interlocución con terceiros. Para verificar a calidade do seu traballo, PROMACER é sometido anualmente a auditorías externas por parte dunha Entidade Certificadora (NEPCon, Bureau-Veritas, etc.) quen verifica se o seu traballo cumpre cos requisitos do FSC. Membros: Son os pequenos Propietarios ou Xestores, xunto coas súas parcelas, que forman o Grupo. Partindo deste feito, todas as parcelas que están baixo a xestión dun mesmo propietario ou xestor van a conformar unha única Unidade de Xestión Forestal (UXF); de modo que a trataremos a partir de agora a todos estes como Xestores de UXF. Coa súa adhesión, e seguindo os procedementos propostos polo Xestor de Grupo PROMACER, os Xestores de UXF quedan cubertos polo certificado, o que lles permite vender a súa produción coa 3. MELLORAS NA XESTIÓN FORESTAL QUE PROPORCIONA O GRUPO PROMACER A certificación en Grupo PROMACER permite, baixo o paraugas dun só certificado, cubrir todas as operacións do conxunto de Xestores de UXF adherido ao Grupo. Ademais, proporciona unha significativa redución no traballo e nos custos directos e indirectos que xera a certificación ao aproveitar as sinerxías que se crean ó traballar con parcelas de similares características. A cambio, de quedar baixo o paraugas da Certificación en Grupo, cada Membro comprométese a manter os requirimentos descritos no Sistema de Control deseñado por PROMACER en estreita colaboración co Membro. O cumprimento destes requirimentos, ademais de permitir acadar a certificación, supoñen moitas das veces unha mellora directa na xestión forestal dos Xestores de UXF en diferentes niveis: 2 páxina

5 - Ter á súa disposición un equipo de profesionais forestais para solucionar a maior parte dos problemas que leva consigo a xestión forestal. - Un traballo de supervisión continua de todas as operacións realizadas nas parcelas, segundo os plans forestais das distintas UXF. - Diminución nos custes, ó tentar integrar os traballos de distintos Xestores de UXF. - Unha maior valoración da madeira por estar certificada, garantindo unha posición moito máis vantaxosa no mercado - Recepción de novas propostas e ideas, pois as parcelas certificadas co selo FSC serven de escaparate de moitas das actuacións de mellora ambiental de terceiros, das que se pode aproveitar os Membros do Grupo. Vantaxes da pertenza ao Grupo PROMACER Significativa redución no traballo e nos custes directos Simplificación de trámites e procesos Garantía de mantemento do certificado por parte do Xestor Un equipo de profesionais forestais ao seu servizo Oportunidades de mellora na xestión forestal Asesoramento personalizado e formación continua 4. REQUISITOS PARA PERTENCER AO GRUPO O Grupo PROMACER está aberto a todos os Pequenos propietarios ou Xestores de masas forestais de Galicia., sempre e cando cumpran os requirimentos esixidos no proceso de admisión. Por outra banda, PROMACER non establece un límite no número de Membros nin respecto da área xeográfica, pois conta coa capacidade suficiente para destinar os recursos necesarios ao seu crecemento, podendo actuar en calquera punto de Galicia. 3 páxina

6 5. PASOS PARA ADHERIRSE AO GRUPO PROMACER PASO 1: Realizar a solicitude de admisión no grupo Os Xestores de UXF solicitantes, que queren ingresar no Grupo PROMACER, deben realizar unha solicitude na que quedan recollidos os datos básicos do interesado. Con esta información, PROMACER avalía o caso de cada solicitante, sempre que cumpra os requisitos de admisión ao Grupo, para así enfocar e asesorar dun xeito personalizado a cada futuro Membro. PASO 2: Redacción do Plan de Xestión da UXF 1.Solicitude de Admisión 3. Incorporación ao Grupo 4. Seguimento Continuo 2. Preauditoría de Admisión GRUPO PROMACER PROMACER vai recoller a información necesaria para o estudo da xestión forestal que se fai en cada UXF, analizando a documentación relacionada con cada parcela, o tipo de plantación/bosque entre outros condicionantes ambientais da UXF. Isto serve de base para a realización do inventario da parcela. Coa análise desta información, e tendo en conta os intereses de cada Xestor, PROMACER pode marcar a planificación para cada unha das parcelas que conforman a UXF. Finalmente toda esta información aparece reflectida nun documento denominado Plan de Xestión da UXF que xunto co Manual de Membro explica o qué debe facer cada Xestor e cómo. PASO 3: Incorporación ao Grupo Trala aceptación do Plan de Xestión da UXF e Manual de Membro por parte dos seu Xestor procederase a firmar un acordo polo que este último incorporase ao Grupo PROMACER pasando a posuír o dereito de vender a súa madeira como certificados co selo FSC. PASO 4: Seguimento Continuo Unha vez dentro do Grupo, PROMACER supervisa o cumprimento dos requisitos por parte de todos os Membros. De maneira que, segundo o plan de visitas anuais, procederase a supervisar as actuacións previstas en cada parcela. 4 páxina

7 Froito de este seguimento, PROMACER pode detectar desviacións nas operacións realizadas, estas son comunicadas ao Membro para poder corrixilas co asesoramento de PROMACER. En paralelo, PROMACER asegura a todos os Membros a actualización permanente dos cambios e novidades referentes aos requirimentos de FSC, previndo posibles desviacións. Se quere máis información sobre a Certificación FSC e como poder implantalo na súa propiedade, non dubide en contactar connosco: Lg. de Porto, nº 38 (ó lado da Igrexa), A Barqueira (Cerdido) Tlf: promacer@promacer.org 5 páxina

8